21 лютага 2018 года ў дзяржаўнай установе адукацыі “Пярковіцкая санаторная школа-інтернат“ прайшлі мерапрыемствы, прысвечаныя дню Роднай мовы.
У першую чаргу ў школе-інтэрнаце ў гэты дзень была арганізована акцыя “Размаўляем па-беларуску”. Гэта дало выдатную магчымасць чуць беларускую мову не толькі на занятках, на перапынках, на самападрыхтоўцы вучняў, але і ў школьнай сталовай, дзе было арганізована харчаванне па меню беларускай кухні.
Увесь дзень на перапынках і ў пазаўрочны час гучала беларуская музыка. Вучні 4–9 класаў удзельнічалі ў конкурсах, віктарынах, знаёміліся з беларускімі танцамі, песнямі, глядзелі мастацкі фільм, чыталі творы беларускіх пісьменнікаў.
Дзень беларускай мовы ў школе-інтэрнаце прайшоў цікава і пазнавальна.