21 лютага наша краіна святкуе Дзень роднай мовы.

 Мова… Мова родная… Матчына мова… Так ласкава называем мы наш скарб, наш духоўны набытак. Гэта наша гісторыя, наша скарбонка культуры, яна захоўвае культурныя каштоўнасці.

Напярэдадні свята з гэтай нагоды ў школьнай бібліятэцы прайшло пазакласнае мерапрыемства “Старонкамі нашай гісторыі”. Галоўнае, што ўсвядомілі ўдзельнікі мерапрыемства: наша беларуская мова жывая і сапраўдная, і таму кожны, хто нарадзіўся і жыве ў Беларусі, павінен яе шанаваць і захоўваць.